college union election-history has repeatedly SFI

തിരുവനന്തപുരം: കേരള സര്‍വ്വകലാശാലയുടെ കീഴിലുള്ള കോളേജ് യൂണിയന്‍ തിരഞ്ഞെടുപ്പില്‍ ചരിത്രം ആവര്‍ത്തിച്ച് എസ്എഫ്‌ഐക്ക് വന്‍ വിജയം.

തിരഞ്ഞെടുപ്പ് നടന്ന ബഹുഭൂരിപക്ഷം കോളേജുകളിലും എസ്എഫ്‌ഐ വിദ്യാര്‍ത്ഥികള്‍ തകര്‍പ്പന്‍ വിജയമാണ് നേടിയത്. തിരഞ്ഞെടുപ്പ് നടന്ന 51 കോളേജുകളില്‍ 48ഉം എസ്എഫ്‌ഐ നേടി

യൂണിവേഴ്‌സിറ്റി കൗണ്‍സിലര്‍മാരുടെ എണ്ണത്തിലും മൃഗീയഭൂരിപക്ഷമാണ് എസ്എഫ്‌ഐക്ക് ലഭിച്ചത്. 89ല്‍ 82ഉം എസ്എഫ്‌ഐക്ക് ലഭിച്ചു.

തിരുവനന്തപുരം ജില്ലയില്‍ സംഘടനാ അടിസ്ഥാനത്തില്‍ തിരഞ്ഞെടുപ്പ് നടന്ന 25 കോളേജുകളില്‍ 24 കോളേജുകളിലും എസ്എഫ്‌ഐ വിജയിച്ചു. 11 കോളേജുകളില്‍ എസ്എഫ്‌ഐ എതിരില്ലാതെ നേരത്തെ വിജയിച്ചിരുന്നു.

ആലപ്പുഴയില്‍ 9 ല്‍ 7 എണ്ണവും പത്തനംതിട്ടയില്‍ കേരള സര്‍വ്വകലാശാലയുടെ കീഴിലുള്ള ഏക കോളേജിലും എസ്എഫ്‌ഐ ഭരണം നേടി. കൊല്ലത്ത് 16 കോളേജുകളില്‍ 16ഉം എസ്എഫ്‌ഐ തൂത്തുവാരി.

തിരഞ്ഞെടുപ്പ് നടന്ന നാല് ജില്ലകളിലും പ്രതിപക്ഷ വിദ്യാര്‍ത്ഥി സംഘടനകള്‍ നിലംതൊട്ടില്ല.

Top