ന്യൂഡല്ഹി: ഡല്ഹി മുഖ്യമന്ത്രി അരവിന്ദ് കേജ്രിവാളിനെതിരെ ഇന്നു തന്നെ സിബിഐയ്ക്കു പരാതി നല്കുമെന്ന് മുന് എഎപി നേതാവ് കപില് മിശ്ര. ചൊവ്വാഴ്ച രാവിലെ സിബിഐ ഓഫീസില് എത്തുമെന്നും തന്റെ കൈവശമുള്ള തെളിവുകള് കൈമാറുമെന്നും അദ്ദേഹം മാധ്യമങ്ങളെ അറിയിച്ചു.
മുഖ്യമന്ത്രിയുടെ ഔദ്യോഗിക വസതിയില് വച്ച് ആരോഗ്യമന്ത്രി സത്യേന്ദര് ജെയിന് കേജ്രിവാളിനു രണ്ടു കോടി രൂപ കോഴ നല്കുന്നതു താന് നേരിട്ടു കണ്ടുവെന്നാണു കപില് മിശ്രയുടെ ആരോപണം.
ആരോപണവുമായി ബന്ധപ്പെട്ട് കഴിഞ്ഞ ദിവസം അരവിന്ദ് കേജ്രിവാളിന്റെ പ്രതികരണം പുറത്തുവന്നതിനു പിന്നാലെ മിശ്രയെ പാര്ട്ടിയില് നിന്നു പുറത്താക്കിയിരുന്നു. എഎപി കേജ്രിവാളിനെതിരായ ആരോപണം തള്ളിക്കളയുകയും ചെയ്തു.
അതേസമയം കേജ്രിവാള് ആരോപണം സംബന്ധിച്ച് ഇന്ന് ഡല്ഹി നിയമസഭയില് വിശദീകരണം നല്കുമെന്നാണ് സൂചന.