ഞായറാഴ്ചകളില് ലഭ്യമാക്കിയിരുന്ന സൗജന്യ കോള് ഓഫര് ബിഎസ്എന്എല് പുനഃസ്ഥാപിച്ചു. ഇതോടു കൂടി ഞായറാഴ്ചകളില് ബിഎസ്എന്എല് ലാന്ഡ് ഫോണുകളില് നിന്ന് 24 മണിക്കൂറും ഇന്ത്യയിലെ ഏതു നെറ്റ്വര്ക്കുകളിലേക്കും സൗജന്യമായി വിളിക്കാവുന്നതാണ്.
മൂന്നു മാസത്തേക്കു കൂടിയാണ് ഓഫര് നീട്ടുന്നതെന്ന് ബിഎസ്എന്എല് അധികൃതര് അറിയിച്ചു. മൊബൈല് ഫോണുകളുടെ വരവോടെ ജനപ്രീതി കുറഞ്ഞ ലാന്റ് ഫോണുകളെ വീണ്ടും സജീവമാക്കുക എന്ന ലക്ഷ്യത്തോടെയാണു ബിഎസ്എന്എല് ഈ ഓഫര് വീണ്ടും നല്കുന്നത്.