ടെലികോം ഓപ്പറേറ്ററായ ബിഎസ്എന്എല് നോക്കിയയുമായി ചേര്ന്ന് ഇന്ത്യയിലെ 10 ടെലികോം സര്ക്കിളുകളില് 4ജി സേവനം ലഭ്യമാക്കാന് പോകുന്നു. ഇതിനുള്ള കാരാറില് രണ്ട് കമ്പനികളും ഒപ്പുവെച്ചു. നോക്കിയയുമായുള്ള കരാര് ഉറപ്പിച്ചതില് അഭിമാനമുണ്ടെന്ന്’ ബിഎസ്എന്എല് സിഎംഡി അനുപം ശ്രീവാസ്തവ പറഞ്ഞു.
മഹാരാഷ്ട്ര, ഗുജറാത്ത്, മധ്യപ്രദേശ്, ഛത്തീസ്ഗഡ്, ഗോവ, തമിഴ്നാട്, ആന്ധ്രപ്രദേശ്, കര്ണാടക, കേരള, തെലങ്കാന എന്നീ പത്ത് സംസ്ഥാനങ്ങളിലാണ് നൂതന സാങ്കേതികവിദ്യ വികസിപ്പിച്ചെടുക്കാന് ലക്ഷ്യമിടുന്നത്. ഇവയെല്ലാം ചേർത്ത് 38 മില്ല്യന് ബിഎസ്എന്എല് വരിക്കാരാണ് നിലവില് ബിഎസ്എന്എല്ലിന് ഉള്ളത്.
പുതിയ വോള്ട്ട് സേവനങ്ങളിലൂടെ ബിഎസ്എന്എല് 4ജി വരിക്കാര്ക്ക് എച്ച്ഡി ഗുണമേന്മയുളള വോയിസും വേഗതയുളള കണക്ഷനുകളും ലഭ്യമാക്കും. 2017ല് നോക്കിയയും ബിഎസ്എന്എല്ലും ഇന്ത്യന് മാര്ക്കറ്റില് 5ജിയുടെ ആപ്ലിക്കേഷനുകള് വികസിപ്പിക്കുന്നതില് ഒപ്പുവെച്ചിരുന്നു.