കനത്ത മഞ്ഞുവീഴ്ച തുടരുന്നു, ജമ്മു-ശ്രീനഗര്‍ ഹൈവേ ഗതാഗതം നിരോധിച്ചു

ജമ്മു: മഞ്ഞുവീഴ്ചയില്‍ ഒറ്റപ്പെട്ട് കാശ്മീര്‍ താഴ്‌വര. കനത്ത മഞ്ഞുവീഴ്ചയും മഴയും മൂലം ജമ്മു-ശ്രീനഗര്‍ ഹൈവേ വഴിയുള്ള ഗതാഗതം നിരോധിച്ചു. ജമ്മു-ശ്രീനഗര്‍ നാഷണല്‍ ഹൈവേയും കാശ്മീര്‍ താഴ്‌വരയിലേക്കുള്ള മുഗള്‍ റോഡുമാണ് അടച്ചത്.

ജമ്മുവില്‍ നിന്നും 434 കിലോമീറ്റര്‍ ദൈര്‍ഘ്യമുള്ള ലഡാക്കിലേക്കുള്ള ശ്രീനഗര്‍-ലേ ഹൈവേയും ഞായറാഴ്ച അടച്ചിരുന്നു മുന്‍കരുതലിന്റെ ഭാഗമായാണിത്.

ബനിഹാല്‍ മേഖല മുതല്‍ 300 കിലോമീറ്ററോളം ഭാഗവും മഞ്ഞുവീഴ്ച മൂലം ഗതാഗതയോഗ്യമല്ലാതായിട്ടുണ്ട്. മഞ്ഞുവീഴ്ച കശ്മീര്‍ താഴ്‌വരയിലേക്കുള്ള മുഗള്‍ റോഡിലേക്കും പൂഞ്ച്, രജൗരി ജില്ലകളിലേക്കും വ്യാപിക്കുമെന്നാണ് കരുതുന്നത്.

ഹിമപാതത്തില്‍പ്പെട്ട് കാണാതായ സൈനികര്‍ക്കായി തിരച്ചില്‍ നടത്തി വരികയാണ്.

Top