ന്യൂഡൽഹി : കനത്ത മഞ്ഞും കൊടും തണുപ്പും കാരണം രാജ്യ തലസ്ഥാനം ദുരിതത്തിൽ. വ്യക്തമായ കാഴ്ച ലഭിക്കാത്തതിനാൽ ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ വിമാന സർവ്വീസുകൾ തടസപ്പെട്ടു.
ഞായറാഴ്ച രാവിലെ മുതൽ വിമാന സർവ്വീസുകൾ നിർത്തിവച്ചിരിക്കുകയാണ്. ഇതേവരെ സർവ്വീസുകൾ ആരംഭിക്കാൻ കഴിഞ്ഞിട്ടില്ലെന്നാണു റിപ്പോർട്ടുകൾ. 6.4 ഡിഗ്രി സെൽഷ്യസാണ് വിമാനത്താവളത്തിലെ താപനില.
ഡൽഹിയിലെ ട്രെയിൻ സർവ്വീസുകളെയും കനത്ത മഞ്ഞ് ബാധിച്ചു. 15 സർവീസുകൾ റദ്ദാക്കിയതായാണു ലഭിക്കുന്ന വിവരം. 57 സർവീസുകൾ വൈകുകയും 18 സർവീസുകൾ പുനക്രമീകരിക്കുകയും ചെയ്തു. യമുന എക്സ്പ്രസ് വേയിലൂടെ യാത്ര ചെയ്യുന്നവർ അതീവ ജാഗ്രത പാലിക്കാൻ അധികൃതർ നിർദേശം നൽകി.
