ന്യൂഡല്ഹി: ആം ആദ്മി പാര്ട്ടിയേയും അധ്യക്ഷന് അരവിന്ദ് കെജ്രിവാളിനെയും പിന്തുണച്ച് മുതിര്ന്ന ബിജെപി നേതാവ് ശത്രുഘ്നന് സിന്ഹ രംഗത്ത്. നിലവിലെ പ്രതിസന്ധിയില് ആശങ്കപ്പെടേണ്ട കാര്യമില്ലെന്ന് അദ്ദേഹം ചൂണ്ടിക്കാട്ടി. സ്ഥാപിത താല്പര്യങ്ങളുള്ള രാഷ്ട്രീയ കളികള്ക്ക് നിലനില്പ്പുണ്ടാവില്ലെന്നും ശത്രുഘ്നന് സിന്ഹ അഭിപ്രായപ്പെട്ടു.
എംഎല്എമാരെ അയോഗ്യരാക്കിയ നടപടിയില് വിഷമിക്കേണ്ടതില്ലെന്നും അദ്ദേഹം നിര്ദ്ദേശിച്ചു. ട്വിറ്ററിലൂടെയായിരുന്നു ശത്രുഘ്നന് സിന്ഹയുടെ പ്രതികരണം.
ഇരുപത് എംഎല്എമാരെ അയോഗ്യരാക്കിയ തിരഞ്ഞെടുപ്പ് കമ്മീഷന് നടപടിക്ക് പിന്നാലെ ആം ആദ്മി പാര്ട്ടി സമ്മര്ദ്ദത്തിലായിരുന്നു. ചില രാഷ്ട്രീയ കളിക്കള്ക്ക് തങ്ങള് ഇരകളായി എന്നതിന്റെ ഫലമാണ് ആം ആദ്മി എംഎല്എമാര് അയോഗ്യരാക്കപ്പെട്ടതെന്ന് കഴിഞ്ഞ ദിവസം ആം ആദ്മി നേതൃത്വം ആരോപിച്ചിരുന്നു.
ഇരട്ടപ്പദവി ആരോപണത്തെ തുടര്ന്നാണ് എഎപിയുടെ ഡല്ഹിയിലെ 20 എംഎല്എമാരെ തിരഞ്ഞെടുപ്പ് കമ്മീഷന് അയോഗ്യരാക്കിയത്.