ന്യൂഡല്ഹി; സൗമ്യ വധക്കേസില് സംസഥാന സര്ക്കാര് സുപ്രീം കോടതിയില് തിരുത്തല് ഹര്ജി നല്കി. ഗോവിന്ദച്ചാമിയുടെ വധശിക്ഷ ഒഴിവാക്കിയ വിധി തിരുത്തണമെന്നാവശ്യപ്പെട്ടാണ് സര്ക്കാര് ഹര്ജി നല്കിയത്. തുറന്ന മനസോടെയല്ല പുനഃപരിശോധന ഹര്ജി പരിഗണിച്ചതെന്ന സര്ക്കാര് ചൂണ്ടിക്കാട്ടി
വധശിക്ഷ റദ്ദാക്കിയ വിധിക്കെതിരെ സംസ്ഥാന സര്ക്കാരും സൗമ്യയുടെ അമ്മ സുമതിയും നല്കിയ പുനഃപരിശോധനാ ഹര്ജികള് നവംബര് 11ന് ജസ്റ്റിസ് രഞ്ജന് ഗൊഗോയി അധ്യക്ഷനായ മൂന്നംഗ ബെഞ്ച് തള്ളിയിരുന്നു. ഇതേതുടര്ന്നാണ് നിയമസംവിധാനത്തിലെ അവസാന മാര്ഗമായ തിരുത്തല് ഹര്ജി നല്കാന് സര്ക്കാര് തീരുമാനിച്ചത്